هەر لە سەرەتای دامەزراندنیەوە، کۆمپانیاکانمان ئارەزووی هاوردەکردنی تەکنەلۆژیای کشتوکاڵییان کردووە، ئەمەش بە ئامانجی زیادکردنی بەرهەمهێنان و بەدەستهێنانی چۆنايەتی “کوالیتی” بەرز بەپێی ستانداردە نێودەوڵەتییەکان. کۆمپانیای ڕەواتان یەکەم کۆمپانیایە لەم بوارە، نەک تەنها لە هەرێم، بەڵکو لە هەموو عێراق، کە دەستی کردووە بە دروستکردنی خانووی پلاستيکی و خانووی شووشەیی پاڵپشتی کراو بە نوێترین و باشترین تەکنەلۆژیای سەردەم.

لەگەڵ کۆمپانیا تایبەتمەندەکانی هۆڵەندا ڕێککەوتنمان کردووە، هەروەها خانووی شووشە و پلاستیکیمان دامەزراندووە بۆ چاندنی چەندین جۆری سەوزە و میوە بەپێی پێویستی بازاڕ. ئێمە بازنەی فرەچەشنیمان فراوانتر کردووە بۆ ئەوەی چاندنی گوڵيش بگرێتەوە، لە تاقیکردنەوەیەکی ناوازە و نايابدا کە یەکەم تاقیکردنەوەی لەم جۆرەیە لە عێراقدا.

کشتوکاڵی خانووی شووشەيی و پلاستیکی چارەسەرێکی هاوچەرخ و سەردەميانە دەستەبەر دەکات بۆ کۆنترۆڵکردنی بەرهەمهێنان و دڵنیابوون لە بەردەوامی و باشترکردنی چۆنايەتی “کوالیتی” لە لايەک و باشتر و ژيرانە بەکارهێنانی ئاو، کەمکردنەوە بە ڕێژەی زیاتر لە 55% دابین دەکات، ئەمەش دەبێتە هۆی بەدەستهێنانی گەڕانەوەی بەرز و خێرا لەسەر وەبەرهێنان. دەستەی وەبەرهێنان ڕووبەری ٣٠٠ دۆنم زەوی تەرخان کردووە بۆ دامەزراندنی خانووی شووشەيی و خانووی پلاستیکی، لە شوێنێکی ستراتیژی تەنها ٩ کیلۆمەتر لە سەنتەری شارەوە دوورە.